31.2 C
Manila
Friday, March 29, 2024

PASAHERO SA HABAL-HABAL, SIKOP SA KALAPASAN SA RA 9165 SA CHECKPOINT

- Advertisement -

Mga alas 4 sa hapon kaniadtong Hunyo 13, 2018, mipahigayon ug checkpoint operation ang mga personahi sa Sibuco Municipal Police Station nga gipanguluhan ni PI Jonathan Lagang-OIC inabagan sa 42nd IB PA Alpha Coy nga gipanguluhan ni Lt. Nestor P. Tecson Jr., sa National Road sa Brgy. Nala, Sibuco, Zamboanga del Norte. Napugngan sa mga naasoy nga grupo ang usa ka Arman Adami Mandusih, 19 anyos, ulitawo, ug usa ka habal-habal driver ug anaa gapuyo sa Sitio Nasal, Brgy. Puliran, Sibuco, Zamboanga del Norte nga adunay pasaherong sakay  nga giilang si Ali Samson Tarawi, 44 anyos gikan sa Labuan, Zamboanga City nga padulong sa Puliran. Ang sakay giila nga usa ka pusher, minyo, ug residente sa Puliran, Sibuco. Nasuta nga ang maong driver walay lisensya. Sa dihang gihangyo ang sakay nga ipakita ang iyang ID, gaduhaduha pa kinig kuha sa iyang pitaka aron maipakita sa mga mipara kanila. Sa pag-ukab sa maong pitaka, nakita sa mga mipahigayon ug checkpoint ang usa ka transparent heat sealed sachet nga adunay crystalline substance nga gituohang shabu ug gilayong giaresto siya sa mga otoridad.

Nakuha gikan sa kabtangan sa maong pasahero ang usa ka heat sealed sachet nga adunay duha ka transparent heat sealed sachet nga adunay sulod nga gituohang shabu; 1 kagamay nga pakete sa gituohang shabu, 9 ka way sulod nga mga pakete; 8 ka gagmay nga nilikit nga aluminum foils; 1 ka disposable lighter nga adunay tatak nga BossJazz; 2 ka unit sa cellphones nga Samsung ug Nokia nga nay mga baterya; 1 ka gunting; nagkalain-laing kantidad sa kwartang misumada P140.00; ug duha ka mga IDs (Philhealth ug Brgy. ID).

Nasayrang ang maong dinakpan lakip sa 2nd quarter Top 3 priority target sa Sibuco Municipal Police Station ug bag-ohay nga inilang personalidad nga nagalihok sa lungsod sa Sibuco. Gilayong gidala sa Sibuco Municipal Police Station si Tarawi alang sa dugang imbestigasyon ug tukang disposition.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -