Cebu City – Gipahibawo ni kanhi Gob. Emilio “Lito” Osmeña ang pagbuhi sa iyang partidong PROMDI (Probinsya Muna Development Initiative) alang sa 2022 national ug local elections
Nagpatawag og press conference si Osmeña gahapon para pag-anunsyo sa pagbalik sa Promdi sa political scene sa umaabot piniliay.
Bisan wala silay gipahibawo nga kaugalingong kandidato sa ilang grupo, si Osmeña miingon nga mobutang silag kandidato sa pagka mayor, pagkakongresista, ug pagka gobernador.
Suportahan sa Partido ang mga national candidates sama sa senador, bise presidente ug presidente kansang platform mohaom sa PROMDI.
Gitataw ni Lito O nga dili sila mosuporta sa personalidad kon dili sa baroganan.
Ang platform sa PROMDI gipunting sa devolution of power and initiative, a responsive and relevant educational system, ug advanced and tactical nuclearization.
Nagtuo ang Partido nga ang hinanaling pagtakli sa gahom lakip sa pundo sa national ngadto sa local government magseguro nga ang desisyon mapaduol sa yanong katawhan. (Jhon Tadlip/JTY)
(News & photo courtesy of Probinsya Muna Development Initiative-PROMDI)