Panukalang parusa sa mga anak na aabondonahin ang kanilang magulang isinumite ni Lacson

Isinumite sa Senado ang panukalang naglalayong maparusahan ang mga anak na mag aabandona ng kanilang matatanda o may sakit na magulang.

Sa ilalim ng Senate Bill No. 29 o tinatawag na “parents welfare act of 2019″ na isinumite ni Senator Panfilo Lacson, maaaring makulong sa isa hanggang anim na buwan o pagmultahin ng 100,000 piso ang sino mang mabibigong mag bigay ng suporta sa tatlong magkakasunod na buwan sa kanilang mga magulang at walang makatwiran na sagot.

Dagdag pa rito, nakasaad rin sa batas ang pagtatayo ng pabahay para sa mga matatanda, may sakit o mga magulang na wala ng maaaring mag aruga sa mga probinsya at urbanisadong lugar.