Panukalang national budget inaasahang maresolba na sa bicam

Target ng Kamara na maratipikahan sa susunod na linggo ang bersyon ng bicameral conference committee sa panukalang pambansang pondo.

Ayon kay House Ways and Means Chairman Joey Salceda, umaasa siya na mareresolba na sa bicam ang isyu ng Senado at Kamara sa P4. 1-T na proposed national budget.

Kaugnay nito, sinabi naman ni Senate Committee on Finance Chairman Sonny Angara na ipagpapatuloy nila sa Biyernes ang bicameral conference committee meeting para sa naturang pondo para sa susunod na taon.

Aniya, sa oras na makalusot sa bicam ang budget maari nang ratipikahan ng Senado at Kamara ang bicam report anumang araw sa susunod na linggo.