Nakasadag ti panagballigi ti pananglaban ti panagwaras ti virus a manggubuay ti COVID-19 iti napintas a pannakitimpuyog dagiti umili kadagiti ganuat ti gobierno.
Dayoty ti takder ni Dr. Norman Rabago, COVID-19 consultant ti gobierno probinsial mainaig iti pannakaisubli ti Modified Enhanced Community Quarantine iti suidad ti Laoag.
Inbunannagna a no napintas ti pannakikaysa dagiti umili kadagiti ganuat nga ipatungpal ti gobierno ket al-alisto met laeng a maisubli iti baro a normal asituasion ti suidad ti Laoag a kas iti kasasaad ti suidad sakbay a naisubli iti MECQ.
Immum-una ngem iti daytoy, inyetnag ni Gob. Matthew Marcos Manotoc ti Executive Order na a nakaisagudayan ti pannakaisubli ti MECQ ti suidad kalpasan nga adda ti rekomendasion ti gobierno ti suidad ti Laoag a naibasar iti medical data ti suidad ken iti pagannurutan ti Inter Agency Task Force.
Maipalagip a namungayan ti nasao a tignay ti gobierno ti suidad iti bigla nga iyaadu ti bilang dagiti nagpositibo ti COVID-19 ti Suidad ti Laoag. (OIC Rodrigo Sadian, RPN DZRL Batac)
(Source: Provincial Government of Ilocos Norte)