- Advertisement -
Impalagip ni Department of Education secretary Leonor M. Briones kadagiti mangisursuro iti kinapateg ti annungen da para iti pannakatubay dagiti agad-adal.
Daytoy ti kangrunaan a mensahe ni Briones iti panagsarita iti naiwayat a teaching ken non-teaching workshop a naiwayat iti Plaza Del Norte, iti ili a Paoay Ilocos Norte.
Kangrunaan nga impaganetget na ti programa ti Dep-Ed nga EDUKALIDAD a kayat na a sawen ket quality education.
Inatendaran ti nasao a workshop dagiti ginasgasut a teaching ken non-teaching staff ti Dep-Ed iti entero a rehion uno.
Inkari pay ni briones ti nayun a bibipisyo ken insentibo dagiti classroom teachers tapno laeng agtalinaed da a mangisursuro ken saan a maguyugoy nga agbalin nga administrador.
- Advertisement -