Manamnama a mangrugi ita a lawas masapul nga agrehistro iti “safe pass” dagiti amin nga empleado ti kapitolio probinsial.
Segun ken ni Mr. Wilfredo Lorenzo Jr, mangidadaulo ti Information Technology office ti gobierno probinsial, makatulong daytoy a ganuat iti panagplano ti kapasidad ti maysa a lugar, panagreserba, panagrehistro, panangiyinpuersar ti protocol, pannakaiwanwan dagiti insidente ken “contact tracing”.
Impalgakna a kangrunaan a gagem daytoy a tignay ket para iti naep-epektibo a “contact tracing”.
Mainaig iti daytoy, inbunannagna a manamnama a kadagiti masungsungad nga aldaw keta min nga umay ditoy kapitolio ket masapaul nga agrehistro ken agusarto iti “safe pass”.
Kunana a babaen iti daytoy ket maikkat ti panagusar ti balloen ken logbook a pagrehistroan a mabalin pay a wagas iti pannakaiyakar ti virus a manggubuay ti COVID-19
Nupay kasta, imbatdna a maiyururay pay ngaumuna ti panangiyetnag ni Gob. Maatthew Marcos Manotoc ti Exec. Order pakaseknan daytoy a banag.
Impalgakna a magutgutigot pay dagiti nadumaduma nga establisimiento nga agusar ti “safe pass” kangrunaanna kadagiti “tourism establishment”.
Inlawlawag ni Lorenzro a tallo dagiti mabalin a pagpilian ti agrehistro ti “safe pass”.
Maibilang ditoy ti panangbisita dagiti maseknan iti URL ti smart phone babaen iti web browser, mabalin pay ti agrehistro iti Facebook babaen iti mobile deta free mode wenno iti SMS.
Innayonna a kadagiti awan ti internetna, mabalin dagiti local government unit wenno LGU agingga iti barangay ti mangaramid iti QR code a mabalin a mai-print tapno iti ksnit nga agturong dagiti kakailian iti maysa a pasdek nga agus-usar ti “safe pass” a kas iti kapitolio ket ma-scan to laengen ti QR code dagitoy nga agserbi a digital ID dagiti maseknan. (Irene Ringor, RPN DZRL Batac Correspondent)
(Source: Provincial Government of Ilocos Norte)