Basi sa advisory nan Department of Energy (DOE) ug National Electrification Administration (NEA) Memorandum No. 2020-047, pinetsahan Setyembre 23, 2020, gimanduan ang tanang Distribution Utilities/ Electric Cooperatives sa paghatag nan “30-DAY GRACE PERIOD” o lugway sa mga konsumante sa pagbayad sa ilang electric bills nga mitunong sa gi-implementar nga Community Quarantine.
Agig pagsanong sa maong kamanduan, ang Setyembre 2020 Billing nga atong nadawat, anaay itagana nga “30-day grace period” o lugway sa pagbayad nga magsugod sa “due date” niini. Dugang pa, mamahimong modawat sa staggered payment (sulod sa nahisgutang 30-days lamang) ug walay ipatong nga interest, penalties, ug uban pang charges.
Apan, kadtong mga konsumante nga adunay kapasidad nga mobayad sa ilang electric bills, among giawhag kamo sa pagbayad sa inyong balayrunon sa original nga schedule sa inyong due dates, tungod kay ang inyong ibayad, mao ra man usab ang atong iremit/ ibayad sa atong binulan nga obligasyon ngadto sa mga POWER SUPPLIERS, NGCP, ug uban pang galastuhan sa pagmentinar sa operasyon nan ato kooperatiba.
Alang sa inyong kasayuran.
Daghang salamat.