30.9 C
Manila
Friday, March 29, 2024

Pagtambong Sa Mga Dili Importanteng Okasyon Gihangyo Ni Gov. Bambi Sa Misamisnon Nga Undangon

- Advertisement -




Bisan paman sa padayon nga pagtaas sa kaso sa COVID-19 sa lalawigan, nagpabiling madasigon sa pagpakigbatok niini ang mga personahe sa mga nagkadaiyang ahensya sa gobyerno, nasyunal man o panlalawigan.

Lakip niini ang walay puas nga pagpaningkamot sa Provincial Inter-Agency Task Force aron nga mapanalipdan ang katawhan sa lalawigan sa Misamis Oriental batok sa makapatay nga virus.

Naalarma si Governor Bambi Emano sa taas sa ihap sa nataptan niining semanaha hinungdan iyang giawhag ang tanan sa pagsunod sa mga gabayan nga gi-implementar sa PIATF ug iyang gihingusgan ang pagpahinumdom sa tanan nga dili mag kumpyansa ning panahona.

Isip amahan sa lalawigan iyang dakong kaakuhan nga masiguro ang maayong kahimtang ug ang proteksyon sa iyang mga ginsakupan sa probinsya batok niining makatakod nga sakit.

Atol sa ika 60th virtual nga pagpakayab sa nasudnong bandila sa Kapitolyo Probinsyal, gihatagan og gibug-aton ni Governor Bambi ang mentalidad nga “kausa lang”.

Matud sa Gobernador nga ang maong kinaiya sa pag ingon nga kausa lang, susama sa pag apil ug mga dili kinahanglan o essential nga aktibidades susama sa Birthday, Kasal ug uban pa, nga maoy mamahimong rason nga ang usa ka indibidwal matakdan og COVID-19.

Gihangyo sa Gobernador nga kon dili kinahanglan mogawas, magpabiling magpuyo sa balay aron mahunong ang cycle sa pagtinakdana sa COVID-19.

Ang pakigbatok niini nga virus makab-ot sa tanan pinaagi sa hingpit nga pagtinabangay hinungdan walay undang ang hangyo ni Governor Bambi Emano nga magpabilin sa tagsa tagsang panimalay kon walay importanteng lakaw.

(Source: Misamis Oriental Provincial Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -