Cebu City – Mitakdo ang daan nang gipanglantawan nga pagsaka sa kaso sa Covid-19 atol sa ikaduhang adlaw sa tuig 2021 human sa sunod sunod nga Holidays nga gisaulog sa mga Sugboanon.
Basi kini sa DOH Central Visayas Center for Health Development Case Bulletin #198, Enero 2, 2021.
Mitala ug 24 ka mga bag-ong kaso ang Dakbayan sa Sugbo, miabot ug 9 ang lalawigan sa Sugbo.
Parehong tag lima ka kaso ang Syudad sa Mandaue ug Lapu-Lapu.
Sa iyang bahin, si Health Secretary Francisco Duque, namahayag nga ang Department of Health milantaw nang daan sa posibleng pagsaka sa mga kaso human sa Christmas ug New Year holidays.
Ang maong pamahayag ni Duque gi suportahan sa Independent research sa Octa Research Team.
Samtang sayo ning semanaha, si Dr. Mary Jean Loreche, tigpamaba sa DOH-7, mihangyo ug nanawahan sa publiko nga kung kinsa man ang niadto sa Maribago Beach sa Lapu-Lapu City sagol sa daghang tawo, nga boluntaryong mag self isolate ug mag monitor kung adunay simtomas nga mutumaw sa umabot nga mga adlaw.
(Jhon Tadlip, photo courtesy by Nagiel Bañacia)
(Source: DOH-7)