CAGAYAN DE ORO CITY- Usa ka welcome development alang sa pamilyang Dormitoryo ang paghawa sa pwesto ni PMA Superintendent Lt. Gen Ronnie Evangelista. Matud pa ni Dexter Dormitoryo, ang kamagulangang anak sa Dormitoryo nga niadto pa silang nakalabay nga semana nagpaabot sa resignation sa opisyal.
Gikalipay usa sa ilang pamilya ang pagtangtang sa attending physician sa PMA hospital ug uban pang tag-as nga opisyal sa akademiya nga may tulubagon sa kamatayon ni Cadet 4th Class Darwin Dormitoryo.
Sa pikas bahin, gidayeg ni Cagayan de Oro 2nd District Representative Rufus Rodriguez ang boluntaryo ang pagluwat sa pwesto ni Philippine Military Academy Supt Army Lt. Gen Ronnie Evangelista. Suma pa ni Cong. Rodriguez, angayan lamang ang gibuhat sa maong opisyal nga diin tataw ang dunay pagpasagad nga nahitabo sud sa PMA.
Ang biktima sa hazing nga si Dormitoryo ang gitumod na sa katapusan niyang pahulayan karong adlawa dinhi sa dakbayan.