Pagpasulod Sa Misor Limitado Na

Pagpasulod Sa Misor Limitado Na

by RPN
132 views

CAGAYAN DE ORO CITY- Limitado na karon ang pagpasulod sa mga tawo sa  probinsya sa Misamis Oriental tapos gimando ni Gobernador Bambi Emano ang General Community quarantine aron sa pagseguro sa kaluwasan sa panglawas sa mga molupyo sa probinsya. Tungod niini, wala nay bisan kinsang pasudlon sa MisOr gawas lamang kon kini nagdala sa supply sa pagkaon ug mga basic commodities, kruso, medisina, medical supply, animal food, medical equipment ug construction supplies.

Ang driver ug helper nga nagdeliver ginadili sa pagnaog ug human pagdiskarga sa supply kinahanglang diretso mobalik sa lugar nga gigikanan. Alang sa mga food deliveries, kinahanglan adunay sertipikasyon gikan sa barangay o munisipyo nga seguradong tanang produkto gikan sa probinsya ug sa Department of Agriculture sayon ang delivery.

Pasudlon usab ang mga medical practitioners ug mga trabahante sa MisOr, kinahanglan magpakita lamang sa proof pagpamatuod sa ilang istado. Niadtong  nagagikan sa pribadong mga kompaniya, kinahanglan limitado lamang sa mga trabahante niadtong mga establisemento nga naghatag sa unang panginahanglan sa katawhan sana sa merkado, grocery, convenience store, botika, hospital, bangko ug uban pa.

0 comment

Related Posts