Aprobado na atol sa 102nd Regular Session nan Sangguniang Panlalawigan kagahapong adlawa Setyembre 2, 2024 an isa ka resolution na pagdeklarar na valid an isa ka Ordinance No. 519 Series of 2024, isa ka ordinansa na mangutang an Local na Panggamhanan sa syudad nan Surigao sa kantidad P375 million pesos para pundohan an construction sa mga pasilidad sa swine breeder farm sa Brgy. Quezon para ipaabang sa Chareon Pokphand Food Philippines Corporation ug lot aquisition alang sa pagtukod sa swine breeder farm sa Brgy. Quezon, Surigao City ug laing resolusyon nga nagdeklarar na valid isa ka ordinance no. 520 series of 2024, isa ka ordinansa nag-aprobar ug loan aggreement, Deed Agreement sa NTA ug iban pang mga dokumento nga may kalabutan niini nga pirmahan ug ipatuman tali sa City Government of Surigao ug sa DBP iban sa tanang termino ug kondisyon niini.
An committee report ni Board Member Constantino “Bully” Navarro IV atol sa Regular Session kagahapong adlawa.
Kung mahinumduman aprobado isab ini atol sa 29th Regular Session sa Sangguniang Panlungsod an ordinansa para pag tugot sa Mayor pag suyod nan Loan Agreement sa Development Bank of the Philippines sa siyudad nan Surigao.
Tumong sa maong pagpangutang amo an pagpalit nan lote ug para sa construction para sa swine breeder farm facility na ibutang sa Barangay Quezon siyudad nan Surigao.
An mga City Councilor’s na mipabor sa maong pag utang amo sila ni Councilor Joshua Geli, Councilor Joenil Aldonza, Councilor Karl Duane Casurra, Councilor Noel Christian Catre Jr., Councilor Baltazar Abian, Sk Fedirated President Jeanilyn Edulzura ug Liga Ng mga Barangay President Florenillio Ravelo.
Hampan an waya mo pabor amo sila ni Councilor Jex Bayana, Councilor Joseph Joey Yuipco, Councilor Cazel Azarcon, Councilor Jojo Tinio apan si Councilor Bastie Nagas on leave.
Laing pag binutohay isab alang sa ratification sa loan agreement na miresulta pito(7) an mipabor ug upat (4) an dili pabor.
An maong proyekto gitan.aw sa City Government na makatabang sa ekonomiya, makahatag nan panginabuhian ug makabaton ug dugang pundo sa panudlanan niini. (Mark James Lisondra)