Iriga City – Naka-andam na ngunian an petition letter kan mga apektadong residentes sa planong re-routing kan linya kan riles hali sa banwaan nin Baao pasiring na sa banwaan kan Nabua, CamSur.
Iyo ini an ipinahayag ni PB Boy Badong Kan Sta. Cruz matapos nap ag-orolayan kan magkapirang kapitan sa reklamo kan mga residentes na mawawaran nin harong asin kabuhayan huli sa nasabing plano.
Apektado kaini an sobra sa limang kms, hali sa Brgy. Sta. Cruz asin Sagrada na an aagihan iyo an mga konkretong harong asin sobra sa 100 ektaryas na kaomahan.
Tinaw’an nin duon ni Badong na dai nagkaigua nin public consultation an nasabing proyekto, imbes basta na sana malaog an PNR na ngunian nagpapadagos na an sketch plan.
Maluwas an nasabing proyekto sa Sta. Elena, Baras, Nabua, pasiring sa parte kan Antipolo hastang maka-abot sa banwaan kan Bato.
An proyekto parte soboot kan modernization program kan PNR sa lindong kan build, build build program kan Duterte administration. (Melvin F. Barayoga, RPN DZKI Iriga OIC)