Cebu City- Nangayo ug pagpasabot ang usa ka opisyal sa Dakbayan sa Sugbo kong nganong dili pwede ma post sa Social media page ni Mayor Edgardo Labella ang Executive Order nga gi issue sab ni Mayor Edgardo Labella.
Kini ang mensahi ni Cebu City Administrator Floro Casas Jr. human sa FB post ni Cebu City Councilor ug IATF Deputy Chief Implementer Joel Garganera nga nangayo ug despensa sa gipa gawas nga impormasyon ni Mayor Labella labot sa mga sitio nga ipa ubos sa granular lockdown.
Gi kwestyon ni Casas nga bale mangayo pa ba ug clearance sa dili pa ma post ang EO sa Mayor.
Dugang sa Administrator nga kung mangayo man, kang kinsa man gikan.
Gisumbalik sa maong opisyal nga kung kamo( kampo ni Garganera) pwede ra mohimo ra ug announcement, unofficial pa gani, apan ug ang mayor dili.
Sa FB post ni Garganera nangayo kini ug pasaylo sa FB post sa Mayor nga nagpahibawo sa mga sitio nga ipa ubos sa lockdown.
Gipasabot ni Garganera nga wala pay clearance ang pagpagawas sa kasayuran sa maong higayon.
Dugang pasabot niya nga base sa gikasabutan sa laing laing ahensya lakip ang PNP, LNB, DILG ug IATF ang maong mga concerned sitio maoy unang makahibawo niini. / via Jhon Tadlip