Target ng DENR o Department of Environment and Natural Resources na maglagay dalawa’t kalahating kilometrong Trashboom sa bahagi ng Baywalk sa kahabaan ng Manila Bay
Ito’y ayon kay Environment Usec. Benny Antiporda ay upang maipon ang mga humaharang na basura sa Manila Bay para malinis ang bahaging iyon ng dagat
Binigyang diin pa ni Antiporda, tuluy-tuloy ang ginagawa nilang Rehabilitasyon sa tinaguriang Sunset Paradise of the Metropolis
Inuuna nila sa ngayon ay ang paglilinis ng mga Estero at Ilog upang hindi na dumiretso sa Manila Bay ang mga basurang nagmumula sa iba pang mga lugar sa Metro Manila
Aabot sa mahigit 2 Bilyong pisong pondo ang inilaan ng pamahalaang lungsod ng Maynila para sa Rehabilitasyon ng Manila Bay
Gagamitin ang pondong ito para sa Dredging, pagsasaayos ng mga Pozo Negro gayundin ang paglilipat sa mga iligal na nakatira sa tabi ng Ilog at Estero
Sa kasalukuyan, sinabi ni Antiporda na aabot sa 52 libo ang Colliform Level ng Manila Bay na mas mababa mula sa dating 1.3 Billion Colliform Level bago magsimula ang Rehabilitasyon