33.8 C
Manila
Friday, March 29, 2024

Pagbukas Sa Industriya Sa Turismo Sa Sugbo, Mga Local Tourist Lang Unay Atimanon

- Advertisement -

Cebu City- Gitataw ni Gob. Gwen Garcia nga mga Sugboanon lang unay i-cater sa pagbukas sa tourism industry sa Sugbo.

Sa nasayran, nagplano na ang gobyerno sa probinsiya pag-abli sa turismo sa kalungsoran ug component cities nunot sa pagpaubos sa lalawigan sa MGCQ o modified general community quarantine.

Si Garcia, nga gitakdang mopirma og laing executive order karong semanaha nga maglatid sa guidelines sa reopening sa local tourism activities, miingon nga ang relaunch sa bread-and-butter sa ekonomiya sa probinsiya inanay nga himoon.

Matod ni Garcia, ang tourism industry sa Sugbo adunay kaugalingong “viable” market nga mao ang 3.2 milyones ka mga lumulupyo.

Gihimug-atan sa gobernador nga ang pagbukas sa turismo sa Cebu alang lang una sa mga Sugboanon apan walay labot kadtong gikan sa Cebu City.

Sumala pa ni Garcia, bisan ablihan na ang industriya sa turismo apan magpabilin ang hugot nga border control tali sa Cebu City nga gisugdan niadtong Hunyo 26.

Sa nasayran, gisugdan sa Kapitolyo ang pagpahugot sa border controls sa Cebu City dihang ang siyudad ug probinsiya gipaubos sa ECQ o  enhanced community quarantine.

 I via Jhon Tadlip/ JTY

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -