PAGBANTAY KONTRA SA COVID-19 STRIKTO TAGPATUMAN SA SURIGAO CITY AIRPORT

PAGBANTAY KONTRA SA COVID-19 STRIKTO TAGPATUMAN SA SURIGAO CITY AIRPORT

by RPN News
44 views

Higpit na sanan strikto na an pagpahigayon sa mga lakang sa pagbantay kontra sa COVID-19 na dili makasuyod dinhi sa ciudad Surigao. Ini pinaagi sa mga tagtawag na Surveillance Team na taglangkuban nan mga personahe sa City Health Office.

Kahapon Febrero 12, 2020 atul sa paghidangat nan isa ka opisyal sa Embahada nan Hapon dinhi sa nasud, bisita nan lokal na pangagamhanan nan Ciudad Surigao, na obserbahan an strikto na pagpatuman sa mga regulasyon kabahin sa pagbantay kontra COVID-19, gikan sa pagkuha nan tempetatura nan mga muabot gamit an tagtawag na infrared forehead thermometer, pagpa fill up sa Health Declaration Card hangtud sa pag interview sa mga nangabot.

Muabot sad ngadto sa may walo ka personahe nga nagagikan sa Bgy Luna Health Center, an naglangkob sa Surveillance team nga nakaestasyon sa Surigao City Airport na tagkatahasan sa strikto na pagpatuman sa mga regulasyon sa katujuan na dili makasuyod an tagkahadlukan na virus dinhi sa ato lugar. (Jhino Parucho, Ronda 10 RPN DXKS)

0 comment

Related Posts