Zamboanga del Sur – Nadawat na sa mga Displaced Workers sa Lungsod sa Tambulig ang assistance pina-agi sa Tulong Panghanapbuhay sa Ating Disadvantaged/Displaced Workers kon TUPAD kagahapong adlawa. Matud pa nga mukabat sa 284 ka mga indibidwal ug mubalor sa 4 mil 740 ka pesos ang nadawat nga cash assistance sa matag usa ka nga benipesaryo isip dugang tabang sa ilang mga panginahanglan ilabina karung panahon sa pandemya.
Kahinumdoman nga ang programang TUPAD usa lamang sa pipila ka mga programa sa DOLE nga gihatagan ug suporta ug budget ni Presidente Rodrigo Roa Duterte ug ingon man ni Zamboanga Del Sur-Provincial Governor Victor J. Yu og ni Deputy Speaker – Congresswoman Divina Grace Yu ingun man ni Municipal Mayor Charlotte D. Panal diin maoy naay dakong kaakuhan para mapa abot ang moang mga tabang ngadto sa mga katawhan.
Gibutyag ni Governor Victor Yu nga padayun silang mosuporta sa programa sa National ilabi na kon kini makatabang sa katawhan, og bisan paman sa nasinating pandemya padayun usab sila nga maghatud og tabang sa mga katawhang Zambosurian. Samtang mapasalamaton usab ang mga benepisyaryo sa programang Tupad tungod kay pinaagi niini dako na kaayo og ikatabang sa ilang panginahanglanon sa ilang pamilya.
(News and photo courtesy of Pagadian News Icon)