30 C
Manila
Friday, March 29, 2024

Pag-Apod-Apod Sa Hinabang Sa Mga Senior Citizen Sa Dakbayan Sa Sugbo Gidudahang Gisabotahe

- Advertisement -

Cebu City- Mipasangil si Cebu City Administrator Floro Casas, Jr. nga gisabotahe sa mga kaatbang sa politika ni  Mayor Edgardo Labella ang pagpanghatag sa hinabang salapi sa mga edaran.

Gipadayag kini ni Casas dihang mihugop ang mga senior citizens sa city hall sulod sa tulo ka adlaw aron pagkobra sa ilang cash aid nga wala mahatod sa ilang tagsatagsa ka panimalay.

Sa iyang post sa Facebook, si Casas miingon nga nakadawat siyag taho nga adunay taga oposisyon nga mipalakaw og estorya nga ang deadline sa distribution sa ayuda sa senior citizens karong Hunyo 15.

Gitataw sa city administrator nga ang  executive order ni Mayor Labella nag-ingon nga ang mga edaran mahimo pang makakobra sa cash assistance sulod sa napu ka adlaw human malibkas ang community quarantine.

Ug sanglit ubos pa man ang siyudad sa GCQ o general community quarantine, magpabilin lang ang mga senior citizens sa balay ug dili maggawas-gawas sama sa pag-adto sa city hall.

Gitataw ni Casas nga dili Hunyo 15 ang kataposang pagpanghatag sa hinabang.

Basi sa EO no. 76 ni Labella, kadtong dili mahatagan sa financial assistance sa house-to-house mahimong maka-claim niini sa OSCA o Office of the Senior Citizens Affairs sulod sa napu ka adlaw human malibkas ang  mandatory stay at home order sa mga senior citizens.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -