Moabot sa 7.5 bilyones ka pesos ang gesugyot nga budget ni Mayor Oscar Moreno alang sa syudad sa Cagayan de Oro sa tuig 2020 aro mapalapdan pa ang serbisyo sa katawhan. Ang maong kantidad kombinasyon kini sa social services, infrastructure ug uban pa. Apan ang pinakadako mao ang sa social services.
Nanghinaot si Mayor Moreno nga aprobahan kini sa konseho, hinuon bukas kini kon adunay usbon ang konseho sa maong budget.
Sa maong budget, tanang pundo sa mga departamento sa lokal nga kagamhanan ang gipatas-an.
Lain pang nadugang mao ang pundo alang sa Cagayan de Oro Water District alang sa panubig sa mga hinterland barangays sa Cagayan de Oro. Sa gisugyot nga pundo, moabot sa 500 milyones pesos ang gigahing tabang alang sa COWD. Bag-ong item kini, matud pa ni Moreno aron dili na maglisod sa panubig ang mga lagyong kabaranggayan ning syudad.