CAGAYAN DE ORO CITY- Mosumada na sa 201 ka mag PUM sa Cagayan de Oro tapos nakadawat sa bag-ong 36 nga dugang persons under monitoring kagahapong adlawa. Matud pa ni City Health Officer Dr. Lorraine Nery nga ang mga bag-ong nadugang gikan kini sa ubang mga dapit nga nahipos sa Barangay Health Response Team o (Bherts).
Sa pikas bahin, wala nay dugang PUMS nga anaay close contact sa mga pasyente ubos sa PUIs ug Covid-19 patients nga nadala sa Northern Mindanao Medical Center o NMMC ug sa ubos pang private hospitals.
Samtang gipahibalo usab ni Dr. Nery nga opisyal nilang ilusad karong adlawa. Abril 22 ang telemedicine nga gipasingdahan sa mga doctors, nurses ug medical practitioners sa City Health Office. Anaa usab silay teleconsultations sa mga barangay health centers diha sa ilang FB page. Modawat usab sila sa konsultasyon alang sa mga health centers matag adlaw nga Lunes paingon Biyernes gikan alas 8 sa buntag hangtud alas 5 sa hapon.