CAGAYAN DE ORO CITY- Si Mayor Oscar Moreno sa dakbayan sa Cagayan de Oro namahayag kagahapon nga ang gisugyot nga budget alang sa syudad sa tuig 2021 gituhuan nga mokunhod kini sa 7.5 bilyones ka pesos sa budget sa 2020 tungod sa impact sa pandemic. Maningkamot sila, matud ni Mayor Moreno nga mamaintain ang P7.5 billion budget alang sa 2021 o dili moubos sa P7.3 billion kon gikinahanglan ang pagkunhod niini.
Gidugang sa mayor nga nagsugod na sila pagtuki sa maong budget mga duha o tulo ka semana ang nakalabay. Ang executive branch mokolekta sa mga ipangsubmit sa nagkalain-laing departamento sa City Government ug gitakda nila nga ipresentar ang proposed budget ngadto sa city council sa bulan sa Agosto. Target nila nga sa dili pa matapos ang tuig, naa nay maaprobahan nga lab-as nga gahin alang sa tuig 2021.
Atol sa iyang annual report atol sa 70th Charter Day kagahapong adlawa, si Moreno mi-enumerate sa daghang proyekto nga investments nga iyang nabubo sa tuig 2019. Kini nag-apil na sa pagkatapos sa 33.13 kilomenter nga road concreting projects ug 4.39-kilometer nga road opening projects nga mikostar sa 427.5 million pesos; nagapadayon pa ang construction sa 180 ka mga classrooms sa nagkalain-laing lokasyon; P398.3 million nga gibubo alang sa flood control ug mitigation projects nga mototal sa 12 km; duha ka waterworks projects ug daghanan pang uban apil na sa duha ka satellite hospitals sa barangay Lumbia ug Tablon.