Radio Philippines Network
DYKC Cebu News Provincial News

Organizer Ug Uban Pa Sa Sinulog Dance Festival Sa San Nicolas Siguradong Mag Atubang Ug Kasong Kalapasan Sa ECQ

Cebu City – Segurong mag-atubang og kasong kalapasan sa protocol sa ECQ o enhanced community quarantine ilabi na sa pagdili sa mass gathering ang organizer sa Sinulog dance festival sa sityo Alumnos, Brgy. San Nicolas, Cebu City niadtong Sabado sa gabii isip kabahin sa kasaulogan sa ilang pista.

Kini ang gipadayag sa acting director sa CCPO, Col. Cydric Earl Tamayo, sa mga reporter.

Uban sa Criminal Investigation & Detection Group o CIDG-7, si Tamayo miingon nga ila nang nailhan ang nagpasiugda sa naasoyng kalihokan ug ila kining ikeha.

Matod ni Tamayo, pinaagi sa abag sa mga opisyal sa barangay ilang nailhan ang organizer nga si Nicolas Tabar.

Sumala pa niya, igo lang nananghid si Tabar nga iyang dad-on ug isuroy sa palibot sa lugar ang imahen sa balaang Bata ug wala kini mosulti bahin sa ipahigayong sayaw-sayaw atubangan sa kapilya.

Ang maong dance festival giapilan sa sobra sa napu ka tawo nga nakadapit sa pagtagad sa mga nagpuyo sa lugar hinungdang sila nagkatapok.

Nagkanayon si Tamayo nga daghan ang mga nanayaw ug nagtapok pod ang mga tawong nanan-aw busa ilang paylan og sumbong si Mr. Tabar.

Related posts

Unang Committee Hearing Sa Sangguniang Panlalawigan, Sentro Sa Investment Code Sa Munisipyo Sa San Francisco

RPN

3,000 IPs in NorMin to benefit from TESDA Special Training Program

RPN News

Some Negros’ LGUs Extend Suspension Of Classes Today

RPN

This website uses cookies to improve your experience. We'll assume you're ok with this, but you can opt-out if you wish. Accept Read More