Radio Philippines Network

Ordinansa A Pannakaipaay Ti Express/Priority Lane Kadagiti Masikog,Senior Citizens Ken Addaan Ti Rangkap Ti Bagi, Maimplimentaren

Maysa a linteg iti suidad ti Laoag iti pannakaipaay ti priority/express lane kadagiti addaan ti rangkap ti bagi, masikog ken senior citizens kadgiti establisemento ken pangopisinaan iti intero a suidad.

Inprobaran ngaminen ni Michael Marcos Keon ti ordinansa a pinutar ti sangguniang panglungsod babaen iti panangidaulo ni Vice Mayor Toto Lazo a ‘’priority/express lane in entering establishments of differently abled person, senior citizens and pregnant women ordinance’’.

Naputar ti nasao nga ordinansa kas panangited ti respeto ken konsideransion kadakuada nangnangruna ita panawen ti pandemia ken kasta pay iti agdama a sitwasion da.

Karaman kadagiti pasdek a nasken nga adda express/priority lane na ket dagiti super markets ken tiendaan, bangko hotels, restaurant, educational institutions, payment center, pasdek ti gobierno ken dadduma pay.

Maipatawan ti pannusadagiti saan a sumurot iti nasao nga ordinansa, mamulta ti ome thousand pesos ti first offense, 2,000 pesos met iti second offense ken 3,000 pesos ken pannakakanselar wenno pannakaikkat ti business permit dagiti agsalungasing ti third offense.

Kangrunaan nga opisina a mangkita iti implementasion daytoy a linteg ket ti public order and safety division ken permits and licensing division ti gobierno iti suidad ti Laoag.
(OIC Rodrigo Sadian, RPN DZRL Batac)

 

(Source: LGU Laoag City)

Exit mobile version