Opisyal na listahan ng mga kandidato posibleng ilabas na ngayong linggo

Posibleng ilabas na ngayong linggo ang opisyal na listahan ng mga kandidato para sa darating na midterm elections sa Mayo.

Iyan ang inihayag ni COMELEC Spokesman Director James Jimenez.

Ayon kay Jimenez, dapat nang maisapubliko ang opisyal na listahan ng mga kandidato dahil sisimulan na ang pag imprenta ng mga gagamiting balota para sa nasabing eleksiyon.

Dagdag pa ni Jimenez, karapatan ng publiko na malaman ang mga kuwalipikadong kandidato para sa darating na halalan.