CAGAYAN DE ORO CITY- Usa ka Overseas Filipino Worker (OFW) nga taga lungsod sa Naawan, Misamis Oriental ang gidala karon sa isolation room sa usa ka tambalanan sa silingang lungsod usa ka adlaw kini nahidangat gikan sa Hongkong niadtong Pebrero 2.
Sa Report sa Philippine Information Agency (PIA) gikuhaan na sa Department of Health (DOH) sa samples ang pasyente ang gipaabot nga mogula ang resulta karong adlawa.
Gisugilon ni Mayor Dennis Roa sa Naawan nga nabal-an niya ang paghidangat sa maong OFW tungod sa sumbong sa usa ka concerned citizen nga matud pa ang maong OFW ingon nga nagsakit. Gilayon niadtong gabii sa Pebrero 3, girescue ang maong pasyente nga 29 anyos sa iyang pinuy-anan diin siya nagpuyo kauban sa iyang mga ginikanan ug pag-umangkon.
Gidugang ni Roa nga kon magnegatibo sa corona virus nga mga tests ang pasyente, mopailawon pa kini sa ikaduhang swab test diin ang resulta niini mahimong makuha sud sa 48 oras.
Apan gitin-aw ni Dr. Gwendelyn Labastida, Rural Health Officer sa Naawan nga ang maong OFW wala nagpakitag sinyales nga aduna kini sakit.
Sa pamahayag ni Dr. Adriano Suba-an, OIC sa DOH-10 nga base niadtong Lunes nga report, adunay tulo tanan ka mga tawo sa Region-10 ang gitawag karon nga PUI o Persons Under Investigation. Gawas sa taga Naawan, anaay usa sa Camiguin Provincial Hospital ug sa Northern Mindanao Medical Center.