OFW na pinaslang ng amo sa Kuwait basag ang ulo ayon sa imbestigasyon — Locsin

Lumabas sa paunang imbestigasyon sa nangyaring pagpaslang sa isang OFW sa Kuwait na nabasag ang ulo nito.

Matatandaang pinatay ng kanyang amo ang Pinay domestic helper na si Jeanelyn Villavende noong Disyembre 30.

Ayon kay Department of Foreign Affairs (DFA) Secretary Teodoro Locsin Jr., lumabas sa imbestigasyon na pinukpok sa ulo si Jeanelyn kung kaya’t nais rin niyang makuha ang ulo ng Kuwaiti employer na pumatay dito.

Samantala, kasalukuyan nang nakakulong umano ang mag-asawang amo ni Villavende sa Kuwait.