‘Odd-even’ scheme sa Metro Manila bus routes iminungkahi

Iminungkahi ni House Committee on Transportation Chairman Edgar Mary Sarmiento ang pagpapatupad ng ‘odd-even’ number coding scheme sa Metro Manila bus routes.

Isasapinal pa ni Sarmiento ang mga ruta na maaaring maapektuhan ng ‘odd-even’ scheme pero malamang aniya ay ipapatupad ito sa mga lugar ng Cubao, Santolan, at South Luzon Expressway (SLEx) sa lalong madaling panahon.

Binigyang diin naman ng kongresista na kahit gaano kaganda ang plano para maibsan ang problema sa trapiko, kung puno naman ang kalsada ng mga sasakyan ay hindi parin magiging epektibo ang mga ito.

Magugunitang lumabas sa pagaaral na mahigit P2.4-B ang nawawala sa ekonomiya araw- araw dahil sa problema sa trapiko.