Hugot nga giawhag sa Provincial Inter-Agency Task Force sa pagpangulo ni IATF Chief Dr. Jerie Calingasan ngadto sa tanang katawhan kung unsa ka mahinungdanon ang pagpabakuna ning panahon sa pandemya, lakip na niini ang makanunayong paghatag katin-awan sa mga angay kat-onan aron samot ma-preparahan ang mga risgo hilabina sa mahatag nga benepisyo niini.
Gipasabot niini ang Neutralizing Antibody Test nga buot makab-ot ug mapatuman dinhi sa lalawigan.
Gibutyag ni Dr. Calingasan nga usa kini ka proseso kon rapid test aron masuta kung aduna bay antibodies sa matag indibidwal human sa 14 ka adlaw gikan sa ulahi o ikaduhang pagpabukana.
Giklaro sab sa IATF Chief nga ang Antibodies gikinahanglan og ayo isip protective protein nga maprodyus sa immune system nga magsilbing sumbanan sa efficacy rate sa mga humana nabakunahan og CoVid vaccines.
Ang mamahimong resulta sa maong test modular lamang sa dili moubos sa 30% nagpasabot nga negatibo o walay epekto ang bakuna, kung molapas sa 30% o 35% ug labaw pa nagpasabot kini nga duna nay naporma nga antibodies sa maong lawas, ug kung molabaw pa sa 68% nagpasabot nga posible nang mahimong plasma donor.
Bisan si Gobernador Bambi Emano dako ang nakitang pribilehiyo sa nasangpit nga proseso. Nagasalig sab kini sa kahanas sa pagdumala ni Dr. Calingasan niini nga natad sa panlawas nga bahin aron mabatokan kining makamatay nga sakit sa CoVid-19.
Samtang ang hiniusang pagtinabanga sa tanang padayong giawhag sa panggamhanang probinsya pinaagi sa pagsunod sa saktong gabayan o safety health protocols.
Lauman nga sa umalabot mga adlaw subay sa kamandoan ubos sa National IATF ug sa padayong pagsunod sa prioritization framework alang sa vaccination roll-out process nga mahatagan gyod prayoridad ang tanan nga mga mabakunahan.
Ang kahimsog sa panglawas sa katawhan labing bililhon alang kang Gobernador Bambi gumikan naka-angkla dinhi ang pagbaton sa maayo og tunhay nga pamuyo alang sa tanang lumulupyo sa tibuok lalawigan.
(Rejiann Ammor R. Maygay, PIO)
(Source: Misamis Oriental Provincial Information Office Facebook page)