Agururay ti dakkel nga oportunidad kadagiti interesado a mapan agtrabaho iti sabali a pagilian.
Inpakaamo ni Ms. Shirley Penalosa, Administrative Aide VI ti Phil. Overseas Employment Administraion a naruay dagiti maididiaya iti nasao nga ahensia a trabaho iti babaen ti “government” .
Segun kenkuana, maibilang ditoy ti nasursurok ngem gasut a nurses a kasapulan ti pagilian a Germany, sangaribu lima gasut a nurses a para idiay Saudi Arabia, dua gasut a midwives para idiay Saudi Arabia ken sangapulo a babbai a technician a para idiay Taiwan.
Mainaig iti daytoy , nagyaman no Penalosa ken Gob. Matthew Marcos Manotoc iti kanayon a panagawis ti probinsia tit POEA iti tunggal adda ti maisayangkat a “job fair” tapno saan a marigatan dagiti umili ditoy Ilocos Norte a mapan agaplikar iti regional office POEA idiay La Union
Impalgakna a mysa kadagiti pagsayaatanna ti “government to government” ket saanen a kasapulan a dumalanpay dagiti aplikante kadagiti recruitment agencies.
Innayonna a babaen iti daytoy ket saan a kasapulan nga agbayad dagiti maseknan ti placement fee ken masigurado pay a saan dagitoy a biktima kadagiti mananggundaway a “recruiter”