29.8 C
Manila
Thursday, March 28, 2024

Muslim Community Sa Sarangani Suportado Sa Mga Local Official

- Advertisement -

Gikasubo sa mga opisyales sa probinsya sa Sarangani nila Governor Steve Chiongbian Solon, Vice Governor Elmer De Peralta, mga board member, mga mayores ug nila Senador Manny ug Congressman Ruel Pacquiao, nga wala nakapahigayon karong tuiga og Grand Iftar kon pabuka o salu-salo sulod sa Sarangani Capitol Gymnasium una nahuman ang usa ka bulan nga Ramadan sa mga kaigsoonang Muslim tungod sa nasinatian nga sobra duha (2) ka bulan na nga Coronavirus pandemic. Apan gisiguro sa mga nasangpit nga nagpabilin ang ilang hugot nga pagsuporta sa Moro community sa Sarangani Province.

Gani, gawas sa mga sinakong bugas nga gipang-apud apod sa matag mosque ug gidugangan pa kini ni Congressman Ruel Pacquiao og mga dressed chicken, nanghatag pud ang Sulong Kapayapaan program ni Governor Solon og mga food pack alang sa mga Madrasah Arabic school facilitator-ustadz ug volunteers. Kini nga mga food pack ang donasyon pa gikan sa mga partner organization and individuals, sama sa Dadiangas Halal Catering Services, Katiakap Foundation, Sigay Kauyagan, ug ni Doctora Sitti Maryam Dilanggalen nga naka-basi sa nasud Singapore.

Sa bahin ni Ms. Jennifer Kamid, ang program manager sa Kalinaw Unit, gibutyag niini nga dakog papel ang gihuptan sa mga imam, ustadz ug uban pang Muslim elders alang sa peace and development program ug sa “God-centered Prosperity” vision ni Governor Solon, hilabi na sa hisgutanan nga anti-extremism/radicalism. Sila matud pa ang partner sa LGU sa paghatag og values formation basi sa mga pulong sa Qur’an aron dili sukwahi nga mga pagtulun-an ang makuha.

Sa pagtapos sa usa ka bulan nga pag-puasa, angay lang usab nga alalayan sa LGU ang mga kalihukan sa mga imam ug udtadz. Gi-implementa pud sa mga mosque ug Madrasah entiro Sarangani Province ang clean-up drive ug disinfection alayon sa health protocols nga gimando sa DOH aron magpabiling COVID-free ang ilang tigumanan samtang gapaminaw sa mga maayong pagtulun-an.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -