Nagkiddaw ti naan-anay a tulong manipud iti opisina ti Sangguniang Bayan iti ili ti Paoay ni Dr. Alfredo Domingo Sr., Municipal Health Officer, iti nadakamat nga ili pakaseknan iti panangallukoy kadagiti umili a saanda nga agbuteng nga agpatudok iti bakuna kontra COVID-19.
Basar kenkuana, addu dagiti agkedked wenno saan nga umanamong iti daytoy a COVID-19 Vaccination program, gapuanan nga iti agdama ket maiwaywayat ti kompania a pannangallukoy kadagiti maseknan.
Inlawlawag na nga ti gagem daytoy ket kas paset tapnon iti kasta ket nataltalgedda iti panagraira ti virus.
Innayonna pay, nga adda iti mapasamak nga screening tapnon madeterminar iti indibidual a kwalipikado wenno natalged nga umawat ti bakuna isu’t gapu na nga awan iti pakadanagan dagiti umili.
Inbunannagna nga adda iti lima a grupo a maiprayoridad a maipaayan iti COVID-19 vaccine manipud iti Department of Health.
Umuna ket iti frontline health workers, pakadua dagiti public health workers kas koma RHU, PHO, PJO, contact tracing team ken daddumapay, pakatlo dagiti adda iti nasyunal government agencies kas iti DSWD, DepEd, DILG, BJMP ken sabsabalipay, pakauppat dagiti Barangay Health Officers ken iti panglima dagiti indigent population a pakairamanan dagiti senior citizen.
Innayon pay ti Acting Mayor Romulo Acdal Sr., a daytoy ket panangipakita kadagiti umili nga awan iti rumbeng a pagbutngan laksid ket isunan ket addan iti senior citizen’s age.
Kabayatanna, kinuna pay ni Acting Mayor a nakasagana isuna nga agpatudok iti bakuna apaman a dumteng daytoy. (Mary Rose Antonio, RPN DZRL Batac Correspondent)
(Source: LGU Paoay, Ilocos Norte)