- Advertisement -
Temporaryo a pinaserraan ni Mayor Rafael Ralph L. Benemerito II ti sibubukel a balay ti ili gapu iti kaadda ti nagpositibo nga empleado iti gobyerno local.
Kuna ti Mayor a masapul a masurrot da iti health protocol ken precautionary measure isu nga agserra ti munisipyo nangrugi idi malem kalman inggana inton July 22 tapno mangiwayat da iti disinfection ken decontamination iti sibubukel a pasdek.
Malagip a duwa iti nagpositibo iti Covid-19 nga agpapaay iti gobyerno local ti pagudpud ken iti agdama ket adda dan a nakahome quarantine.
Numan pay sarado ti munisipyo ket inbilin ni Mayor Benemerito ti Work at Home scheme kadagiti empleado kabayatan ti lockdown ti Municipal Hall ti nasao nga ili.
- Advertisement -