Samaran ug nabunol ang usa ka lalake human mibangga ang gimanehong motorsiklo sa katagbo nga sakyanan didto sa National Highway, Sta. Filomena sakop ning syudad pasado alas 12 y medya ang takna sa kaadlawon kaniadtong nakalabayng adlaw.
Ang mga biktima giila nga sila si Joel Embudo, 41 anyos, minyo ug lumulupyo sa Siay, Zamboanga del Sur gamaneho sa Isuzu Wingvan nga nagtangag sa plakang RKW 563 ug si Ruel Anding, 19 anyos, ulitawo ug lumulupyo sa Brgy. Olingan sakop ning syudad nga gamaneho sa Kawasaki Bajaj color itom ug nagtangag sa temporaryong plaka 5852.
Sumala pa sa inisyal nga imbestigasyon sa kapulisan, gibaybay ni Embudo ang National Highway paingon kini moliko pawala sa habagatang direksyon apan aksidente kining gibanggaan ni Anding nga niresulta sa pagkaguba sa atubangang bahin sa duruha ka sakyanan ug nakaangkon si Anding ug samad sa nagkalain-laing parte sa iyang kalawasan ug anaa karon nagpaalim sa Zamboanga Del Norte Medical Center.
Human sa maong aksidente, nagka-areglohay ra usab ang duha ka partido.