MOTORCYCLE RIDER PATAY HUMAN NATUMBA SA KURBADA NA DAYAN SANAN AKSIDENTING NADASMAGAN SA PICK UP
Nakabsan ra sa kinabuhi sulod sa hospital ang 21 anyos na layaki human aksidenting natumba sa kurbadang dayan samtang nagmaneho sa ija motorsiklo sanan aksidente usab nadasmagan sa isa ka Nissan Navarra Pick-up nga may temporary plate no. F2T192 nga gimaneho sa isa ka retired army nga si RUBEN APIG BEJO, 67 anyos, menyo, residente sa Purok 1 Brgy. Ladgaron, Claver, Surigao del Norte.
Nahitabo ang aksidente sa may Km. 2, Brgy. Luna, Surigao City ala 1:55 ang takna sa kadlawon kagahapong adlawa Hunyo 24, 2020. Nakilay-an an biktima na si MATTHEW TORREGOZA CATULMO, 21 anyos, estudyante, residente sa Kaskag Village, Brgy. Washington.
Sa imbestigasyon ni PSSg. Bryan Sumampong, nasayran nga samtang nagjagan sa National Highway ang biktima sakay sa ija motorsiklo nga Suzuki Raider 150 pero paghidangat sa kurbadahon nga dayan sa may City Motorpool nga area ang nasurpresa nga diin kasugat niini ang Nissan Navarra.
Base sa kuha sa cctv footage sa lugar nga nahitaboan nakita ang pasingod nga motor sa syudad kinsa nakasugat niini ang sakyanan, una nang natumba sa ija gimanihong motorsiklo ang driver ayha kini nadasmag sa kasugat nga pick up.
Grabe ang pagkabunal sa sementong dayan ang biktima nga miresulta sa iyang kamatayon. Nisuksuk pa ang motorsiklo sa ilayom nan sakyanan sanan nadasag 20 metros an kalajuon gikan pagkatumba. Bali ang waya nga bukton sanan waya nga paa sa biktima. Pasado alas 2:54 ang takna sa kadlawon ang biktima gisuyod sa surgery ward sa Caraga Regional Hospital tungod sa Hypovolemic Shock to Multiple Physical Injury. Pasado alas 4:55 ang takna sa sajo sa buntag gideklarang namatay ang biktima pinaagi na sa attending physician nga si Dr. Gleen Alfred Norris D. Baban. Samtang ang kapulisan ang padajon pa nga naglusad nan makoting imbistigasyon kalabot na sa maong aksidente. (Mark James Lisondra, Ronda 21 RPN DXKS)
Still shots from the video uploaded by Mark Pagas
https://www.facebook.com/crismark.pagas/videos/1195207620822417/UzpfSTEwMDAwMTE1MzE1MDAyNTozMzMwMTA4NzM3MDM3NTMy/