Mitambong sa gipahigayon nga Groundbreaking Ceremony sa 4-km farm-to-market road (FMR) gikan sa Barangay Del Pilar hangtod sa Barangay Nueva Estrella ang Provincial Government nga gipangunahan ni Governor Kaka Bag-ao kagahapong adlawa, 21 September 2020, sa tugkaran sa Del Pilar National High School.
Kani nga proyekto namugna tungod sa pakigtambayayong sa Provincial Government, Barangays Del Pilar ug Nueva Estrella, Department of Public Works and Highways (DPWH), Department of Environment and Natural Resources – Provincial of Environment and Natural Resources Office (DENR-PENRO) ngadto sa Nickel Asia Corporation – Cagdianao Mining Corporation (NAC-CMC).
Matod pa ni Gov. Kaka, dili na maglisod ang mga mag-uuma ug mangingisda sa paghatod sa ilang proyekto sa kasikbit nga mga barangay. Gipadayag usab niya ang uban pang mga plano sa Provincial Government aron mapalambo ang probinsiya sa Dinagat Islands. Dugang pa niya, malipayon siya sa pagpadayon nga pagsuporta sa Cagdianao Mining Corporation (CMC) sa mga programa niini taliwala sa COVID-19.
Misugyot si CMC Resident Mine Manager Engineer Arnilo Milaor, nga ang mga ekwepo sa pipila ka mga contractors sa ilang kompanya ang gamiton sa pagtrabaho sa maong kalsada aron kini mapadali.
Gisaksihan ang gipahigayon nga seremonya nila Board Members Anna Lyn Dialde (District 1), Noli Abis (District 2), ug ex officio Board Member Absalon Colandog (Phillippine Councilors League), pipila ka personahe sa buhatan sa Kapitolyo sama sa Provincial Community Affairs Office (PCAO), Provincial Engineering Office (PEO), Office of the Provincial Architect (OPARCH), ug Provincial General Services Office (PGSO), ug Department of Environment and Natural Resources (DENR).
Anaa usab ang Municipal Local Government Unit (MLGU) sa lungsod sa Cagdianao nga gipangunahan sa ilang Municipal Administrator Marc Adelson Longos, Del Pilar Barangay Captain Efren Eupeña, ug Nueva Estrella Barangay Captain Warlito Pepoy, mga magtutudlo sa Del Pilar National High School, ug pipila ka mga residente sa naasoy nga barangay.
(Source: Official Facebook page of Gov. Kaka Bag-ao)