30 C
Manila
Friday, March 29, 2024

Miss Earth 2019 Coronation: Naga o Manila?

- Advertisement -

NAGA CITY (Bicol Standard)—Sain na man nanggad gigibuhon an haloy nang pig-aantisiparan na Coronation Night kan Miss Earth 2019 pageant na enot nang pigtalaan sa fecha 26 kan Octubre?

Ini an dakulang kahaputan huli sa magkakorontrahan na informasyon na nagluwas sa social media asin pigbroadcast sa radyo digdi.
Segun sa nagluwas na report, nagsurat si Alsree Aireena, na suboot representante kan pageant na nag-iinformar sa mga nanunungdan na pigbalyo an lugar para sa pagkorona kan Miss Earth sa Manila en vez na sa JMR Coliseum digdi.

Enot pa kaini, kan Septiembre 23, may nagluwas man na informasyon sa mga blogs na sa Manila na man nanggad gigibuhon ini, alagad dai pa cierto kun sain na lugar.
Mientrastanto, sa entrevista kan Bicol Standard ki Carlo Batalla, an Executive Producer kan Miss Earth digdi, pinahimutikan niya an informasyon na nagluwas.

Sabi Batalla, “fake news” ini.

Idinagdag man ni Cha Bermudo, na saro man sa mga katuwang ni Batalla sa pag-organisar kan pageant sa Bicol, na mayo siya nin informasyon kan bareta na ipigbalyo na nin lugar an Miss Earth coronation.

“Halaton ta na lang sa press conference,” sabi ni Bermudo sa entrevista kan Bicol Standard.

Sari-sari man an reaksyon kan publiko dapit digdi.
May mga nagsabi na an pwedeng rason sa pagbalyo, iyo si experiencia kan mga kandidata asin mga nagdalan kan Miss Bicolandia 2019, kun sain dakol nagreklamo na mainiton na maray an lugar.
An mga agit-agitan na suportador kan beauty contest sa Manila, nagpahayag man nin kaugmahan na mas harani sa saindang lugar kun duman gibuhon an coronation night.
Nobenta y tres na candidata an maralaban para sa titulo asin korona, segun sa mga naenot na report.

–  M. Barayoga

- Advertisement -
- Advertisement -

Related Articles

- Advertisement -
- Advertisement -

Latest Articles

- Advertisement -