Dako ang kalipay ug pasalamat nga gireport ni Provincial Veterinary Office Head Dr. Benjamin Resma niadtong adlawng Lunes dungan sa virtual nga pagpakayab sa nasudnong bandila sa Kapitolyo Probinsyal nga walay aktibo nga mga kaso sa African Swine Fever (ASF) gikan niadtong Mayo 17 ngadto sa Mayo 21 nga datos.
Kahinumduman nga adunay 7 ka mga munisipyo ug 42 na ka mga barangays ang apektado sa maong sakit sa mga baboy.
Adunay gimonitor ang PROVET nga tulo ka mga barangay gikan sa nag kalain-laing mga munisipyo.
Wala pay resulta apan malaumon si Dr. Resma nga kini mga negatibo.
Gipaabot sab niini nga aktibo kaayo karon ang ilang buhatan sa pagsige og monitor sa mga lugar aron pagsusi kon aduna bay mga sintomas ang mga binuhing baboy.
Kamandoan kanunay ni Gobernador Bambi ngadto sa PROVET nga protektahan ang mga binuhing mananap sa lalawigan labina gyod kining ASF aron ang Misamisnon dili kaayo mabug-atan ug maapektuhan ang ilang panginabuhian ug suplay. (Provincial Veterinary Office)