Tungod sa selos detinado kuman sa Surigao City Police Station an isa ka babaje human ija gitigbas an live in partner tungod kay nag duda ang suspetsado nga jaoy lain uyab sanan dugayan mo uli sa ila bayay ang biktima. Nahitabo ang insidente niadtong Hunyo 29 sa alas 8:49 ang takna sa gabie didto sa Purok 5 Brgy. Cagniog, Surigao City.
Nakilay-an ang suspetsado nga si JUNALYN SEMACIO MOLABE, 36 anyos samtang ang biktima nakilay-an nga si ANGELITO KUENISALA BECIO, 51 anyos residente sa Purok 5 Brgy. Cagniog.
Sa imbestigasyon ni PSSg. Joen Zabala ngadto sa biktima nasayran nga alas 8:40 ang takna sa gabie inin suspetsado sanan ang biktima ang nagkalalis ug para malikayan sa dugang nga kasamok ang biktima mipanaw palajo. Sa kapungot nan suspetsado deretso miadto nan kusina ug nagkuha nan sundang dajun gitigbas ang biktima nga naigo sa uyo.
Dali tagdaya sa hospital ang biktima human sa insidente. Nakompiskar usab sa crime scene ang gigamit nga sundang sa pagtigbas sa biktima nga 20 pulgada ang gitas-on apil na ang hawiranan. Sa pagka kuman ang suspetsado nag-atubang sa kasong FRUSTRATED HOMICIDE. (Mark James C. Lisondra, Ronda 21 RPN DXKS)
Â