General Santos City – Gi-aprubahan na sa Motorized Tricycle Franchising Regulatory Board kon MTFRB ang 15 pesos nga minimuma nga pamasahe sa GenSan sa unang upat ka kilometro gikan sa 18 pesos.
Sumala kang City Councilor Dominador Lagare Jr., chairman sa komitiba sa transportasyon nga 15 pesos ang para sa unang upat ka kilomtero ug dugang piso para sa musunod nga usa ka kilomtero.
Pamahayag niini nga ipatuman gihapon ang 20% discount para sa mga senior citizen, PWD ug mga estudyante.
Dugang pa ni Atty. Lagare nga kung adunay mga tricycle driver nga dili mutuman, mamahimo matud pa kini nga i-reklamo pinaagi sa mga facebook page sa City Public Safety Office kung asa kinahanglan anaa ang kompletong impormasyon, sama sa plate number, pangalan sa driver, ug lugar kung asa nahitabo ang sobrang singil sa pamasahe.
Mamahimo usab magsumbong sa mga outpost nga naa gipakatag sa syudad gumikan adunay mga traffic enforcer ug pulis ang na-assign sa maong mga outpost.
(Source: MTFRB)