Radio Philippines Network
DXDX GenSan News Provincial News

Mikulata patay sa construction worker padayong ginaila sa kapulisan

General Santos City – Padayon pa ang pagpangalap ug impormasyon sa Police Station 1 batok sa mga suspetsado nga mikulata patay sa usa ka Mosfing Dinto, 26 anyos, usa ka construction worker ug nanimuyo sa Upi Maguindanao ug pagkaangol sa kauban niini nga nailang si Jimboy Maisay, 25 anyos, usa ka construction worker nga nanimuyo sa Maguindanao.

Sumala pa ni Police Chief Roel Abejero ang hepe sa Police Station 1 nga iya nang gimanduan ang iyang mga intel operatives nga sayron kung kinsa ang mga suspect ug kuhaon ang mga pangalan niini aron nga mapasakaan nila ug tukmang kaso.

Nasayran nga ang duha ka mga biktima ang nag-inom sa usa ka tindahan atubangan sa Pedro Acharon Elementary School ug sa dihang nahubog na kini nag disisyon nga mopauli sa ilahang giabangan nga boarding house sa prk. Masunurin Cawa, Barangay Dadiangas West apan pag-abot sa Quezon Avenue kilid sa West Elementary School giatangan sila sa napulo ka mga kalalakin-an ug gikulata.

Aduna matud pay nahitabo nga sinumbagay nga miresulta sa pagka bun-og sa duha ka mga biktima samtang si Mosfing ang nakaangkon ug grabing samad sa ulo nga hinungdan sa iyang kamatayon.

Nag pahimangno man usab si PCI Abejero ngadto sa mga batan-on nga likayan na gayud ang mugawas ug dis oras sa gabie aron malikay sa kagubot ug kung gusto mag-inom magtinir nalang sa ilang mga panimalay aron kung mahubog na diritso tulog ug dili na mag lakaw-lakaw sa kadalanan.

Related posts

50 LSIs Rerouted On Way To Bangsamoro Region Sent Home Yesterday, July 30, 2020

RPN

DSWD Appeals To Lgus To Help Fast Track SAP Distribution

RPN

Dwindling NPA Group’s Arms Cache Discovered

RPN