Cebu City – Gidasig sa Department of Health o DOH 7 ang mga kagamhanang local nga itugot ang walk-ins sa ilang mga inoculation sites para dili madaot ug mabasura ang maghinobrang bakuna.
Nahunahunaan kini sa ahensiya pagkamatikod nga hinay kaayo ang turnout sa vaccination drive sa lainlaing lokalidad.
Suma pa ni Direktor Jaime Bernadas sa DOH 7, dili angayng ibugnaw ang walk-ins kay makatabang kini aron maigo ang target nga bakunahanan anang adlawa.
Gipasabot ni Bernadas nga dili kalikayan nga naay nalista nga dili makatunga sa schedule busa mahimong mahulipan sa mga walk-ins.
Hangtod niadtong Hunyo 21, nakabaton na ang Central Visayas og kinatibuk-ang 783,710 ka doses sa bakuna sa COVID-19 nga gilangkoban sa upat ka brand.
Kini mao ang Sputnik V sa Gamaleya Research Institute sa Russia, Astra Zeneca sa UK-Sweden, Pfizer-BioNTech sa US-based Pfizer ug Germany-based BioNTech SE, ug CoronaVac sa Sinovac Biotech sa China.
Base sauwahi nilang record, si Dr. Von Philip Baton, medical coordinator sa DOH-7, miingon nga naka-post silag double-digits sa vaccination coverage rate sa mga qualified sector sa Central Visayas.
(Jhon Tadlip/JTY)
(News & photos courtesy of DOH-7)