Mga tinamaan ng COVID-19 sa PNP umakyat na sa 709

Patuloy na nadaragdagan ang bilang ng mga pulis na nagpopositibo sa coronavirus disease 2019 (COVID-19).

Batay sa pinakahuling tala ng Philippine National Police (PNP), umakyat na sa 709 ang kabuuang bilang ng kumpirmadong kaso ng COVID-19 sa hanay ng PNP.

Nasa 697 naman ang mga pulis na itinuturing na “probable cases”, habang 1,087 naman ang “suspected cases”.

Samantala, umabot naman sa 346 ang mga pulis na nakarekober sa sakit, habang siyam naman ang nasawi.