Cebu City- Aduna nay 18 ka tawo nga gitawag og PUI kun patients under investigation sa 2019 novel coronavirus dinhi sa tunga-tungang Kabisay-an, segun sa uwahing record sa Department of Health kun DOH.
Nagpaabot kini nga misaka og duha ang record niadtong Pebrero 9 nga mitala lang og 16 ka PUI.
Hinuon, ang breakdown sa figures wala itin-aw sa press briefing ug press statement sa DOH nga giluwatan gahapon.
Kon mahinumdoman, sa presscon niadtong Biyernes, ang DOH 7 mitataw nga hayan adunay discrepancysa ilang record ug sa data tali nila ug sa DOH central office gumikan sa deadline sa pag-relay og data gikan sa mga buhatang rehiyonal ngadto sa headquarters.
Giangkon sa DOH 7 nga adunay higayon nga di sila makatuman sa deadline tungod sa ‘vetting process’ nga gikinahanglan sa pagkompirmar sa taho sa suspected PUI sa lalawigan sa Cebu, Bohol, Siquijor, ug Negros Oriental.
Giklaro usab sa DOH – 7 nga ang official data kinahanglang maggikan sa ilang headquarters sa Metro Manila.
Gipahibawo usab ang laboratory results sa 202 ka kaso gikan sa Research Institute for Tropical Medicine (RITM).
photo: Human Resources for Health- DOH-RO7