28.9 C
Manila
Friday, March 29, 2024

Mga Street Dwellers Nga Gi-Rescue Sa Mga Awtoridad Sa Cebu City Aduna Diay Balay Sa Siyudad

- Advertisement -

Cebu City – Nasuta sa kapolisan sa dakbayan sa Sugbo nga naa diay balay ang mga tawo nga ilang gi-rescue sa kadalanan sa milabayng Biyernes.

Gani, sumala pa, hapit tanang 154 ka street dwellers nga ilang nahipos naka pauli na sa ilang mga panimalay.

Si Lt. Col. Wilbert Parilla, deputy director for operations sa CCPO, miingon nga gipili sa mao nga tawo ang pag yampungad sa mga kalye aron magpakilimos.

Matod ni Parilla,sagad sa 154 ilang na-rescue duol sa simbahan sa downtown area nga nagpaabot sa sinemanang pagpanghatag og relief goods sa kadagkoan sa simbahan.

Nahinabi sa media, si Parilla miingon nga  lima lang sa 154 ang kasamtangang nagpuyo sa temporary shelter nga giandam sa kagamhanang local ug ang uban mipili nga mamauli sa ilang balay sa lainlaing barangay.

Suma pa ni Parilla, ang lima mga LSI o Locally Stranded Individuals nga napugos pagpuyo sa dalan dihang nagsugod ang pandemic ug wa silay kuwarta nga ikaabang og kapuy-an.

Midugang ang kapolisan nga andam ang siyudad nga motabang sa mga LSI nga makapauli sa ilang lalawigan sa Sugbo ug ubang bahin sa Kabisay-an ug Mindanao.
(Jhon Tadlip/JTY, photo courtesy of PROBE Team Cebu)

 

(Source: Cebu City Police Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -