MGA STALL OWNERS SA MERKADO PUBLIKO MIREKLAMO SA MGA TULÓ SA ILANG PWESTO

0
79

Kagahapon sa pag-libot sa radyo ronda sulod sa merkado publiko tungod sa tawag sa mga stall owners, nakita nga grabe na ang tuló sa ulan gikan na sa bubungan niini ug gutter sa mga stalls sa isdaan, meat section, bugasan ug sa mga stalls sa manihan diin mao gayud ang reklamo sa mga tag-iya nga labihang mangabasa gayud sila ilabi nang mukusog ang ulan.

Nahitabong isig diskarte sila, namutang ug mga trapal nga salipad sa tuló sa ulan ug pisik niini. Gikabalak-an gayud usab pag-ayo sa mga mamaligyaay ug bugas nga grabeng tuló na ang masinati sa ilang mga stalls ug mangabasa ug pag-ayo ang ilang mga bugas, busa ang uban nag-panday nalang ma-alisdan ang ilang mga atop ug bag-ong sin ug wala na kini sila mag-hulat pa sa maintenance kay sa kadugay na sa ilang sigeg reklamo wala gayud aksyon, busa sila nalang ang mipa-trabaho.

Usab ang mga mamaligyaay ug mga mani mipa-trabaho na sa ilang mga atop ug gi-alisdan kini ug sin. Sama na sa pipila ka mga stalls nga nakita sa radyo ronda nga nag-baha na ang ilang mga salog ug ang uban nilang mga paninda nangabasa na tungod sa tuló.

Leave a Reply