Mga Sagol Sa Paghimog Feeds Sa Baboy Gikan Sa Mindanao Ipaubos Sa Kwarantina

Mga Sagol Sa Paghimog Feeds Sa Baboy Gikan Sa Mindanao Ipaubos Sa Kwarantina

by RPN
66 views

Ipaubos sa 20 ka adlaw nga kwarantina ang mga raw materials o sangkap sa paghimog lawog (feeds) sa baboy gikan sa Mindanao sugod sa sunod buwan.

Mao kini nasabotan nila ni Gob. Gwendolyn Garcia ug sa mga tagdumala sa mga feed millers sa Cebu.

Sumala pa ni Garcia, lakip sa ipaubos sa quarantine ang mga mais ug ubang sangkap sa paghimog lawog gikan sa Mindanao.

Midugang ang gobernador nga ilang nauyonan nga ipaubos sa 20 ka adlaw nga kwarantina sa dili pa kini isambog ug gamiton sa paghimog feeds.

Ang lakang nga moepekto sa Marso 9 kabahin sa preventive measures sa probinsiya batok sa ASF.

Matod ni Garcia, ang quarantine period makahatag og higayon sa mga millers pag-andam sa gikinahanglang biosecurity measures pag-screen sa hog-related products gikan sa Mindanao.

Si Garcia nakigtagbo sa mga representante sa local feed millers sa lalawigan sa milabayng Lunes.

Midugang si Garcia nga ilang nahunahunaan ang pagkwarantina sa mga raw materials gikan sa Mindanao dihang nasuta nga sagad niini gikan sa maong rehiyon.

0 comment

Related Posts