Malampuson ang gipahigayon Peace Rally sa mga katawhan gikan sa duha ka mga Barangay sa bukirang bahin sa Asuncion Davao del Norte karong adlawa ( Miyerkules-July 15, 2020).
Ang mga naghimo ug Peace Rally naglangkob sa mga Kanhi sakop sa rebelding NPA, Masa ug mga kanhi suporter niini kinsa mibalik na sa sabakan sa Kagamhanan.
Atol sa Peace Rally, nagmartsa ang katawhan dayon nga naghimo ug gamayng programa diin pipila kanila ang naghatag ug teatimonya sa ilang kapait nga kasinatian sa kamot sa mga komunista.
Gisunog usab sa katawhan ang bandila sa komunista isip timaan ug ilang gipanumpaan nga isalikway na sa hingoit ang pagsuporta sa walhong grupo.
Malipayon hinuon ang mga nagprotesta sanglit namugna ang ilahang Peoples Organization nga hugot usab nga gisuportahan sa Kasundaluhan pinaagi ni Ltc Asnawi P. Muti Sr ang commanding Officer sa 25th Infatry Batalion, 10th infantry Division Philippine Army.
Kahinumduman nga sunod sunod ang gihimong Peace Rally sa nagkalain laing dapit sama sa Loreto Agusan del Sur, Laak ug Mabini sa Davao de Oro.
Samtang sa pikas bahin, laing hugna pa sa Peace Rally ang ipahigayon karong umaabot nga mga adlaw sa Lungsod sa Laak Davao De Oro ug Talaingod sa Davao del Norte.