Cebu City- Nagpada ang IPHO o Integrated Provincial Health Office og medical augmentation personnel sa mga provincial hospital sa siyudad sa Bogo ug Danao gahapon.
Si Dr. Christina Giango, pangu sa IPHO, miingon nga gipada ang dugang medical staff sa naasoyng mga tambalanan tungod kay ubang kawani niini gipaubos sa kwarantina human ma-expose sa mga pasyente sa covid 19.
Nahinabi sa media, si Giango miingon nga giseguro niya ang provincial hospital sa Danao ug Bogo kay daghan og giatimang kaso apan diyotay ra ang mga nars ug nursing attendants.
Giangkon ni Giango nga adunay mga staff sa tambalanan nga nagpositibo sa virus.
Iyang gitug-an nga lima ka nars ug lima ka nursing attendants ang gipada sa Kapitolyo sa provincial hospital sa Bogo samtang sa Danao unom ka nars ug nursing attendants.
Segun sa news release nga gi-post sa Provincial Information Office (PIO), magpadayon ang gobyerno sa probinsiya pagpada og PPE o personal protective equipment ngadto sa mga medical personnel sa upat ka provincial hospitals ug 12 ka district hospitals.
Ang provincial hospital sa Danao ang nag-atiman sa mga pasyente sa mga dapit sa norte ubos sa ikalimang distrito samtang sa Bogo, ang mga pasyente pod sa ikaupat nga distrito